Русите започнаа нов бран ракетни напади врз западна Украина.
Регионалниот гувернер на Лавов, Максим Козицки, објави дека „противвоздушната одбрана работи“ откако се огласија сирените за воздушен напад. Тој ги повика жителите да останат во засолништа бидејќи „опасноста продолжува“.
Експлозии се слушнале во градовите Чорткив и Тернопил, кои исто така се наоѓаат на западот на Украина. Не е јасно дали тие се резултат на руски ракетни напади или на украинската воздушна одбрана.
По првичните информации, Козицки повторно одговори на својот канал Телеграм, велејќи дека Русите „удриле во воен објект во регионот Лавов“.
„Ова е објект кој веќе е таргетиран. Уништен е армиски имот. Нема жртви. Имаше три проектили, од кои два ја погодија целта. Еден проектил беше соборен од нашата противвоздушна одбрана“, објави Козицки.
