Претседавачот на СДСМ и мандатар за формирање на новата влада Димитар Ковачевски по состанокот на Претседателството на СДСМ ги потврди имињата на новите функционери на СДСМ кои ќе бидат дел од новата влада.
Вицепремиерката за борба против корупцијата – Славица Грковска
Вицепремиерот за економски прашања – Фатмир Битиќи
Вицепремиерот за европски прашања – Бојан Маричиќ
Министер за внатрешни работи – Оливер Спасовски
Министер за транспорт и врски – Благоја Бочварски
Министерка за труд и социјална политика – Јована Тренчевска
Министерка за одбрана – Славјанка Петровска
Министер за правда – Никола Тупанчевски
Министерка за култура – Бисера Костадиновска Стојчевска
Министер за земјоделство – Љупчо Николовски
Утре претседателот на СДСМ Димитар Ковачевски на Собранието ќе му го предложи новиот кабинет и владината програма.
Додека собраниската седница за владиниот формат и нејзината програма се очекува да се одржи од 15 до 16, кога вториот ден треба да се гласа за новиот владин кабинет. На 17 јануари и официјално ќе почне со работа Владата предводена од Димитар Ковачевски како премиер.
