Интензивното руско бомбардирање на Мариупол продолжува, изјави регионалниот гувернер Павло Кириленко.
„Тие продолжуваат да напаѓаат. Бомбардирањето, воздушните напади и пукотниците во градот се постојани. Сега има борби, престрелки, кои се случуваат во самиот град“, изјави тој за Би-Би-Си. Тој е лидер на регионот Доњецк во кој се наоѓа овој пристанишен град.
„Денеска добивме информација дека некои луѓе, нема да им ги кажам имињата, кои учествувале во информирање и помагање за евакуација на луѓето, биле пронајдени под оган. За жал, меѓу нив има и жртви. Тие ги евакуираа луѓето“, рече тој.
„Тоа беа луѓе кои треба да се движат наоколу, доброволци… за кои окупаторите добро знаат дека се цивили, невооружени луѓе – но бараат каков било изговор да пукаат во мирни луѓе“, додаде тој.
