Во рамки на акциската контрола што полицијата ја спроведе вчера на територијата на Република Македонија за брзо возење казнети се 240 возачи.
Од нив, како што соопшти МВР, девет возачи управувале со возило со над 50 километри на час повеќе од дозволената брзина, а двајца со дури над 70 километри на час повеќе од дозволената брзина.
Притоа 115 возачи ја пречекориле брзината во населено место, а 125 надвор од населено место.
Од МВР најавуваат дека сообраќајните контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи за заеднички придонес за побезбедни патишта.