Германскиот производител на оружје „Рајнметал“ се подготвува да испорача 50 користени тенкови Леопард 1, објави германскиот весник Handelsblatt.
Извршниот директор на Рајнметал, Армин Папергер, изјави за Handelsblatt дека првите тенкови веќе можат да бидат испорачани во Украина, а останатите треба да следат во рок од три месеци – под услов пратката да биде одобрена од германската влада.
Тенкот Леопард 1, првпат претставен од Германија во 1965 година, е претходник на помодерниот Леопард 2, кој моментално го користи германската војска.
Пепергер рече дека украинските војници би можеле да бидат обучени во рок од неколку дена, под услов веќе да поминале основна воена обука.
