Украинските власти објавија дека во последните 24 часа биле убиени 1.090 Руси. Вчера таа бројка беше нешто над 1.000. Според украинските власти, само во последните 48 часа биле убиени над 2.000 Руси.
Се разбира, таквите информации не можат да бидат независно проверени, а украинските бројки, по правило, се значително повисоки од западните проценки. Но, ова може да укаже на тренд и да значи дека последните денови од војната и кулминацијата на битката кај Бахмут се меѓу најлошите периоди од почетокот на инвазијата.
