32 C
Struga
Monday, July 15, 2024
spot_img

Столтенберг најави испраќање дополнителни 700 војници на Косово

Најсилно ги осудуваме неиспровоцираните напади против трупите на КФОР во северно Косово, што доведе до повреди на 30-тина мировници, изјави попладнево генералниот секретар на НАТО, Јенс Столтенберг. Таквите напади се неприфатливи и мора да престанат додаде генералниот секретар на Алијансата.

Тој најави и дополнително зајакнување на бројот на воени сили на КФОР на Косово, додавајќи дека нивната мисијата останува непроменета – односно одржување безбедна средина за сите граѓани на Косово и посветеност на мандатот добиен од Обединетите Нации за гарантирање на безбедноста на сите граѓани на Косово.

„Одлучивме да испратиме дополнителни 700-тини војници од оперативните резервни сили за Западниот Балкан и да ја подигнеме борбената готовност на дополнителниот батаљон на резервни сили на повисоко ниво за да може и тие да бидат распоредени доколку биде тоа потребно. Ова се јасни чекори со кои КФОР ќе ги има на располагање силите и способностите за исполнување на мандатот. Насилството го уназадува Косово и целиот регион и ги загрозува Евро-Атлантските аспирации“ – изјави Столтенберг.

Ситуацијата на Косово денеска најдобро се опишува со зборовите – мирно, но тензично.

Припадниците на КФОР поставија метални огради и бариери со бодликави жици за да ги зацврстат своите позиции во општините со мнозинско српско население, по судирите меѓу демонстрантите и војниците во кои 30-тина војници беа повредени.

Целосно е блокиран пристапот до општинската зграда во Звечан, каде во безредијата од понеделникот беа повредени 11 италијански и 19 унгарски припадници на КФОР.

Во судирите беа повредени и 50-тина Срби.

Втор ден по ред косовските Срби се собираа пред општинските згради во Звечан, Лепосавиќ и Зубин Поток, противејќи се на новите албански градоначалници, кои овие функции ги освоија откако Србите ги бојкотираат изборите.

Српските демонстранти  не се откажуваат од своите барања – новите албански градоначалници да се повлечат, исто како и да бидат ослободени општинските простории кои се чувани од косовската полиција.

Related Articles

Na Ndiqni

0FansLike
0FollowersFollow
- Advertisement -spot_img

Latest Articles