12.7 C
Struga
Thursday, September 29, 2022
spot_img

Во среда ќе се знае дали Комисијата за заразни болести ќе врати на сила некои од рестриктивните мерки

Во среда најверојатно ќе биде познато дали ќе има враќање на дел од мерките за заштита на населението од ковид 19. Комисијата за заразни болести според најавите треба да има состанок за два дена бидејќи во моментот имаат активности на терен за реорганизирање на системот пред есенскиот период. Бројките на новодијагностицирани растат но сеуште нема наплив на пациенти во болничките капацитети. На Инфективната клиника во моментот имаат хоспитализирано 18 а на болничлки третман поради вирусот има и во битолската и прилепската болница. 

Се поголем број трудници со позитивен тест завршуваат во ковид одделот на Клиниката за Гинекологија, но без компликации.

-За една недела 10 трудници од кои 8 веќе се породени а две чекаат за породување и една со изгубен плод во 10та гестациска недела. Го отворивме целиот ковид оддел а сега овие се со лесна клиничка слика, вели д-р Викторија Јовановска, директор на Клиника за Гинекологија и акушерство.

И додека Комисијата за заразни болести согласно актуелната состојба ќе одлучува дали ќе има или не враќање на дел од мерките, на сила остана носењето на заштитни маски во болниците, аптеките, јавниот превоз и старските домови. Но поради нивно непочитување, од ЈСП Скопје апелираат до граѓаните да бидат заштитени додека го користат јавниот превоз.

 -Единствено, со одговорно однесување на секој поединец, а со оглед на тоа дека превозот секојдневно го користат илјадници граѓани, може сите да придонесеме во борбата против ширење на вирусот. Очекуваме дека нашиот апел ќе биде добронамерно прифатен и применет во интерес на колективното здравје, информираат од ЈСП Скопје.

Related Articles

Na Ndiqni

0FansLike
0FollowersFollow
- Advertisement -spot_img

Latest Articles