Në Klinikën Infektive të Shkupit, 37 persona të sëmurë nga fruthi

0

Në Klinikën Infektive për momentin janë shtruar në spital 37 pacientë të sëmurë nga fruthi, prej të cilëve 19 të moshës madhore dhe 18 fëmijë. Një pacientë gjendet në gjendje të rëndë shëndetësore dhe është shtruar në njësinë e mjekimit intensiv, deklarojnë nga Ministria e Shëndetësisë.

Gjatë ditë së djeshme janë kontrolluar edhe tre pacientë të sëmurë nga fruthi, prej të cilëve dy të moshës madhore dhe janë lëshuar për mjekim shtëpiak, ndërsa një paciente është shtruar në spital. Bëhet fjalë për një 29-vjeçare nga Shkupi, për të cilën nuk ka të dhëna të vaksinimit.

Sipas të dhënave nga Instituti për Shëndet Publik, gjatë periudhës nga 02.03 deri më 08.03 2019 janë paraqitur gjithsej 83 raste të dyshimta nga fruthi, ndërsa që nga fillimi i epidemisë në Shkup, janë regjistruar gjithsej 493 raste me sëmundje të fruthit.

Nga shpallja e epidemisë në Shkup janë vaksinuar mbi 10 mijë persona me vaksina MRP.