Maqedoni, kur do të rregullohet puna e kazinove dhe bastoreve sportive?

0

Te partitë politike ende ka konsultime të brendshme rreth përmbajtjes së propozim-ndryshimet e Ligjit për lojërat e fatit.

Nga Lëvizja Anti-bixhoz tashmë kërkuan që të gjitha subjektet e lojërave të fatit të zhvendosen 3 kilometra jashtë vendbanimeve, 5% e fitimit të bastit të jenë për investim në shkolla, çerdhe, spitale dhe objekte tjera, si dhe për financimin e shoqata dhe qendrave që organizojnë aktivitete për rehabilitimin e të varurve nga basti dhe organizimi i proceseve edukuese. Nga Lëvizja Anti-bixhoz do të vazhdojnë të protestojnë nëse nuk pranohen kërkesat e tyre.

“Ne bëmë thirrje publike gjithë liderëve që urgjentisht të takohemi dhe të sjellim ligj që është i mirë për të gjithë. Mund t’u informoj se të gjithë u deklaruan përveç Zaevit dhe Mickoskiit, dhe kërkojmë takim urgjent edhe me ato për shkak se, javën që vjen do të ketë debat publik dhe do të sillet ligji”, deklaroi Xhemal Abdiu nga Lëvizja Anti-bixhoz.

Nga kjo lëvizja janë kundër basteve dhe nuk pajtohen me propozuesit nga BDI që insistojnë këto objekte të jenë në vijë ajrore 500 metra larg çerdheve dhe shkollave.